عابر سبيل (مدونة هانى سعيد)

مهما غمضتو العيون مهما سديتو الودان التاريخ هيقول ويشهد اننا ف أعلى مكان اننا بلد المحبة اننا بلد الامان اننا بلد الحضارة والمهارة والشطارة والجسارة فى الميدان اننا بلد الإخوة والكرامة والمِروة واننا جوانا قوة وعمرِنا بعمر الزمان واننا بلد الطهارة ف كل حى وكل حارة والهرم مبنى بحجارة قلبها مليان حنان اما إنتو جوا منكو غدر وضميركم جبان تحرقو علم العروبة ؟! تحرقو رمز العروبة ؟! إنتو مالكوم؟ إتخبلتم؟ ولا كان صابكو الجنان؟ ترفعو صوتكم علينا؟ ترفعو سلاحكم علينا؟ جاتكو مِيت(100) ذُل وهوان يا بلد مليون شهيد يا بلد كانت اصيلة احفرو تربة لجمال (جمال عبد الناصر) واحفرو تربة لجميلة (جميلة بو حريد) اصلهم ماتو النهاردة فى نفوسكم العليلة بس هيعيشو ف قلوبنا ف كل ثانية ف كل ليلة تحيا مصر بالمحبة وأهلها الناس النبيلة تحيا مصر ومصر تحيا وللجزاير الف نيلة مع عدم الاعتذار لكل حقير مهما كانت جنسيته سولت له نفسه المريضة حرق علم مصر أو أهان رمز من رموزها او قاداتها او تطاول بأى شكل من الاشكال على اى ابن من ابناء مصر الاعزاء فى اى مكان واى زمان هانى سعيد

في بلدٍ لا يحكم فيه القانون لا يوجد مستقبل في بلدٍ يدخل فيه الناس إلى السجن بمحض الصدفة لا يوجد مستقبل في بلدٍ يتمدد في جثته الفقر كما يتمدد ثعبانٌ في الرمل لا يوجد مستقبل في بلدٍ تتعرى فيه المرأة كي تأكل لا يوجد مستقبل انتحروا أو موتوا طبعا كلنا عارفين ان دى كلمات عمنا الراحل الشاعر صلاح عبد الصبور ودا واحد من انبل واجمل واحسن اولاد مصر اللى اخلصو فى حبهم للبلد وكلماته تقطر حبا لمصر رغم كم الاسى والحزن والخوف من المستقبل اللى بيبان من كلمات عمنا المبدع زى ما شوفنا ولكن .... انا حبيت تكون بدايتى بكلمات صلاح عبد الصبور لانها كانت نبؤة لما يحدث اليوم على ارض بلدنا الحبيبة مصر ولكن .... فى البداية كنا كلنا بلا استثناء بنلوم ونعتب على بعض كافراد او كحكومات والشعب يشتم فى الحكومة ويتهمها بالاهمال والظلم والحكومة تضطهد الشعب اكتر وتقول ان الناس والمواطنين زى العيل الصغير مش فاهم مصلحته ودايما محتاج اللى يوجهه ودايما الشعب ما ببيعجبوش حاجة حتى لو الحكومة اتشقلبت وعملت اراجوز من اصغر حد فيها لحد اكبر حد فيها لكن ..... الكلام دا لحد امتى وكان بيحصل لحد امتى وهيحصل لحد امتى ؟؟؟؟؟؟؟؟؟؟؟ امتى كل و

لااااااااااااااااااااااااا انا مش هتبكى عينيه دمعة ف يوم عشانِك حتى قلبى مش حيتألم عشانِك حنسى اسمِك حنسى رسمِك حنسى انى كنت عايش يوم عشانِك حشطبك من ذكرياتى من حياتى وهكسر القلب اللى ضحى فى يوم عشانك لو يحن لو يرق لو يدق دقة واحدة ف يوم عشانك انا مش هتبكى عينية دمعة ف يوم عشانِك

تبيع بيكام ؟ تبيعلى أحلامك بيكام ؟ تبيعلى أيامك بيكام ؟ ذكرياتك أ ُمنياتك إبتسامتك أو أهاتك كل شىء مَر بحياتك حتى دمع العين رح اخده بس قولى تبيع بيكام ؟ تبيعلى أحلامك بيكام ؟ عندى قلب ونفسى ابيعه أو أبادله بقلب تانى قلب مايكونشى حنين قلب ظالم أو أنانى مين يبيعلى قلبه ياله ؟ مين يقول انا بعت ياله ؟ مين يجرب ؟ مين يقرب ؟ إنت ولا تعالى إنت طيب انت. قولى إنت تبيع بيكام ؟ ذكرياتك أ ُمنياتك ........ عندى قصة حب ماتت بعد ما عاشت سينين عندى صورة والف ذكرى وجرح صاحى وله أنين عندى دمع العين بحور مين ينادى ؟ مين يقول ؟ مين يبادلنى بحياته ؟ مين يبيعلى ذكرياته ؟ مين دا نفسه زيى يهرب ماللى جى وماللى فاته ؟ قولوا مين ؟ بس مين ؟ مين يبيعلى قلبه ياله ؟ مين يقول انا بعت ياله ؟ مين يجرب ؟ مين يقرب ؟ إنت ولا تعالى إنت طيب انت. قولى إنت تبيع بيكام ؟ ذكرياتك أ ُمنياتك إبتسامتك أو أهاتك كل شىء مَر بحياتك حتى دمع العين رح اخده بس قولى تبيع بيكام ؟ أيوة قولى تبيع بيكام ؟

بالصدفة كنت بسمعه وبشوف ردود افعاله المختلفة على كل سؤال كانت بتسأله المذيعة المستفذة احيانا منى الحسينى ومش عارف اعبر واقول ازاى ان كلامه كان بيجبرنى انى ما حولش على اى قناة تانيه حتى لما كانت بتيجى فقرة اعلانية ما كنتش قادر احول على قناة تانيه مخافة من ان الفقرة تخلص بسرعة ويقول هو كلام وانا ملحقش اسمعه بجد والله وهو كان بيسرد بعض من سيرة حياته ومن غير خجل او تكبر مش زى ناس اول ما يظهرو بس فى الصحف او الشاشات يدولك تصريحات عن اهلهم اللى فى امريكا وتربيتهم اللى فى المدارس الفرنسية وازاى الثورة لما قامت اممت ثروتهم فعملو ثروة تانيه من الصفر لااااااااااااااااااااااا الراجل دا بقى ماكانش كدة خالص اتكلم عن نفسه بصراحه وازى وهو كان طالب فى كلية هندسة قسم اتصالات كان بيحب العمل والشغل وعمل مشروع صغير جاب فيه حتة ارض وجاموسه واجر بائعيين عشان يبيعو اللبن اللى هتنتجه الجاموسه واللى بقت بعد كدة جواميس وكمان جاب للبايعيين عجل عشان ما يمشوش كتير ويقدرو يتحركو بسرعة وكان بيروح يباشر العمل فى المشروع دا كل يوم تقريبا الساعة 6 الصبح ويخلص بعدين يروح كليته الساعة 9 الصبح ومنها يرجع تانى عشان يحاسب ا

فى السورة الاولى هنشوف محسن السكرى واقف ورا والده وبعدين صورة البيت اللى كان عايش واتربى فيه وبعدين طبعا دا كارنيه الشرطة بتاع سيادته بعدين وف الاخر طبعا الراحلة سوزان تميم اللى شدنى للموضوع دا انه فى الاول كان موضوع عادى مر عليا زيه كتير او مش كتير لكن يوجوال يعنى ماهوش جديد قوى بس لما لقيت عبارة حذر النشر قولت ليه كدة بقة يبقى الموضوع فيه ان وكنت حابب انى اعرفه خاصة انى من جوايا اتعاطفت مع المجنى عليها اللى خسرت كل حاجة كل حاجة بمعنى الكلمة ومش فاهم هى كسبت ايه من كل داا وموقفها من والدها ومن عيلتها ومن الدين كمان طبعا انا فى الاول بعتذر على المقدمة الطويلة بس انا النهاردة بتكلم عن قضية سوزان تميم خاصة ان الحكم صدر النهاردة الصبح باعدام هشام طلعت مصطفى ومحسن السكرى يعنى كمان قرار حذر النشر فى القضية دى اترفع بصدور الحكم دا سوزان تميم ظهرت فى فترة انا عن نفسى كنت بتلخبط فيها فى الاصوات الغنائية اللى طالعة كانت كلها اصوات زى بعض واذاعة الاغانى المصرية اللى هيا نجوم اف ام كانت لسه جديدة واغانى نانسى عجرم ونيللى مقدسى وهيفا وهبى وحماقى والمجموعة دى لسه فى مرح

ومين قالك ماحبتكيش ومين قالك ماحستكيش انا ببعد عشان خاطرك عشان ويايا ماتبكيش عشان عمرى بحاله هموم وخايف تتعدى منى ياشىء منى يا عمرى يا روحى يا كلى يا شمسى يا قمرى يا ضلى يا نور القلب والننى رح ابعد والسبب إنى بحبك بس مشحقدر معاكى أعيش عشان مقدرش أوعد وعد ولا أوفيش عشان نفسى أجيبلك شبكة وانا معييش ماتجرحينيش دموعك اه بتجرحنى دموعك اه بتدبحنى بتأسرنى ..... بتقتلنى وضعفك دا بيهزمنى وانا ولا كنت يوم فارس ولا عندى حصان ابيض ولا أملك بساط سحرى ولا مصباح علاء الدين كمان عندى وكان ودى أعيش العمر وياكى لكن يا حبيتى ما بيدى واقولك ايه واعيدلك ايه بلاش وحياتك اتكلم سيبينى لوحدى بتألم ويكفى تعرفى إنى محبتش فى يوم غيرك ولا غيرك شغل بالى فماتلومينيش عشان هبعد وماتقوليليش ماحبتكيش دى كلمة حب دى شويه دنا روحى فى بعدك عنى مش فيا عشان انتى يا عمرى يا قلبى يا عنيه ماتكرهينيش هَفَضَل إنى اعيش وحدى واموت وحدى واسيبلك بعدى كام صورة وكام ذكرى ولو بكرة ناديتى عليا مالقتينيش بُصى للسما وقولى كفاية يارب حبى يعيش كفاية يارب حبى يعيش

رسام انا برسم صور لناس كتيرة قابلتها ومعرفتهاش وقلبى يشبه للورق اللى الكلام عليه مجاش بعمل رتوش على الوشوش المفرحة والمحزنة واللى الزمان حفر عليها بقسمته وساعات كتير برسم شجر يشبه بشر دبلان عشان ورقه هجر نور دنيته واما القمر بيطل من شباك انا فاتحه على شارع طويــــــــــــــــــــــــــــــــــــل برسم ......................................... قمر علشان تملى ابصله انا وافتكر بنت الجيران اللى زمان انا شوفتها وعشقتها وعشقتنى هى بقلبها وكان اسمها برضك قمر رسام انا و برسم صور

التاج جالى من خلال الصديقة العزيزة والعدوة اللدودة ميرام وانا طبعا بشكرها عليه وطبعا كالمعتاد اتأخرت فى الرد على اسئلة التاج بسبب انشغالى وكمان عشان الاسئلة اللى فيه تقريبا شخصية وانا كنت متردد فى انى اقول او اتكلم عن حياتى الشخصية مهما كانت قلة المعلومات اللى هتتقال لكن تشجعت وقلت خليها على الله ومش هكشف سر الكنبلة النووية يعنى هخاف من ايه ولنبدا ونقول بسم الله الرحمن الرحيم اسمك؟ هانى المشهور بيه بين اصحابك؟(اسم الشهرة يعنى) ؟ والله فى كتير happy والمايستروالواد الشاعروالفنان والدكتور وعمنا المخرج وهنوش وانوش وابوهانى وهن دول اللى على بالى دلوقت لكن فى كتير والله وكلهم عندى زى بعض لكن بيختلف فى المكان اللى بيتقال فيه اللقب فى الجامعة او فى المسرح او مع منتخب الكورال او مع اساتذتى فى الجامعة او حسب المكان اللى بتواجد فيه وخلاص ( حاجة تزهق مش كدة ) سنك؟ ليه الاحراج دا يا اخ عموما سنى 28 سنة ( وامسك الخشب) اسم مدونتك ؟ على اسم مصر والاسم دا له حكاية معايا وهو انى وانا بعمل المدونة كنت اخترت الاسم ورسيت عليه خلاص وعملت اول بوست فيه وكان قصيدة على اسم مصر لعمنا كلنا صلاح جاهين ووزعت اللي

بحبك موووووت صحيح لانا قيس ولا روميو ولا فيا صفات عنتر لكنى بجد حبيتك كما حبو وكمان اكتر ومانتش ليلى ولا جوليت ولا فيكى صفات عبلة لكن هبلة وراسك تشبه الطبلة وصوتك عالى ومسرسع كما السكران كما الأبله ومش قابلة نصيحة حد يا ابلة سوى نفسك لكن برضو بحبك موووووووت اه والله بحبك مووت بحبك اه صحيح يمكن عشان شكلك وهندامك وخلفك زى قدامك ووزنك 300 كيلو كما الريشة كما النسمة وليلى نهارى مبتسمة ولا عارفة انتى مبتسمة كمان علي ايه واقولك ايه؟ بحبك مووووووت اه والله بحبك مووت بحبك اه عشان سمرة عشان قارعة عشان عارجة وكمان كاتعة واسمك فى الهوى باتعة ولون عينك مانيش عارفو عشان الشمس فيه ساطعة وفاترينة قزاز حمياه هقولك ايه كمان الله مناخيرك تلات تشبار كما المنقار ولو بكدب هخش النار بحبك مووووت بحبك موت

م كتوبك جانى ... واما لمسته عرفت انا ايه مكتوب جواه . وعالعميانى اول كلمة ف اول سطر وداعا .... يا.... ......... نُقط ... خلص الجواب .... خلص المكتوب لكن فى فى النص كلام كدة مش مكتوب مش محسوب ..... مش مطلوب بس حقوله يمكن نعرف مين الغالب فينا ومين هيعيش مغلوب واسمعى منى ياما فى عز البرد اخدتك بين احضانى كنتى تغيبى دقيقة اقولك ميت (100) وحشانى كنت ابص ف عينك واعرف انى بحب كنت بصدق كدبك وانتى بحالك كدب كنتى حبيبتى ......... كنتى اميرتى كنتى الدنيا بحالها ف عينى وكنتى .... خطيئتى واسمعى منى انا مش نادم انى عشقتك انا مش نادم عالاخلاص ايوة اخترت وجودك جمبى وانتى اخترتى البعد خلاص مش حتألم وابكى عليكى بعتينى ليه انا حبقى عليكى بكرة الدنيا دى هتوريكى ان مفيش فى الكون مخلوق هيحبك أدى وانتى اخترتى تضيعى من يدى ضيعى خلاص ضيعى خلاص

بجد بجد والله الواحد مهما اتكلم مش هيقدر يديها حقها لانها اكبر من ان اى حد مهما كان يتكلم عنها كانت بحق ام المؤرخيين طيبه جدا لكن بدون ضعف وقوية مش بتجبر وديكتاتوريه كان صعب الواحد يتخيل انها ممكن تساعد حد وماتسعدوش الاستاذة الدكتورة ليلى عبد الجواد اسماعيل رحمها الله وادخلها فسيح جناته كانت احد المشرفيين على رسالة الماجستير الخاصة بى واشهد لها بمجهوداتها الجبارة فى مساعدتى لاتمام هذا العمل على الوجه الاكمل ولى معها مواقف من المستحيل ان انساها ما حييت وما دام بيا شىء من الحياة فى البدايه وعند دخولى الجامعة لم اهتم باى من اعضاء هيئة التدريس ولم يكن يعنينى ان تربطنى بهم حتى مجرد حوارات شفهية فقد كنت مثل اى طالب جامعى لا يفكر الا فى المنهج المقرر وما سوف يحذف من الكتاب وكم عدد اسئلة الامتحان وهكذا مرت بيا الاعوام الدراسية سريعا لم اتأثر باى من اساتذتى الكرام ليس بسبب خلل او اى سؤء بهم لا قدر الله ولكن هذا ما حدث بالاضافة الى ان معظم المحاضرات لم اكن احضرها وكنت اهتم اكثر بالانشطة الفنية من حفلات سمر وجواله واغانى وفريق المسرح ومنتخب كورال الكليه ومنتخب الجامعه وباقى الانشطة الاخرى وال