التاريخ هيقول ويشهد
مهما غمضتو العيون
مهما سديتو الودان
التاريخ هيقول ويشهد
اننا ف أعلى مكان
اننا بلد المحبة
اننا بلد الامان
اننا بلد الحضارة والمهارة والشطارة
والجسارة فى الميدان
اننا بلد الإخوة
والكرامة والمِروة
واننا جوانا قوة
وعمرِنا بعمر الزمان
واننا بلد الطهارة ف كل حى وكل حارة
والهرم مبنى بحجارة
قلبها مليان حنان
اما إنتو جوا منكو غدر وضميركم جبان
تحرقو علم العروبة ؟!
تحرقو رمز العروبة ؟!
إنتو مالكوم؟
إتخبلتم؟
ولا كان صابكو الجنان؟
ترفعو صوتكم علينا؟
ترفعو سلاحكم علينا؟
جاتكو مِيت(100) ذُل وهوان
يا بلد مليون شهيد
يا بلد كانت اصيلة
احفرو تربة لجمال (جمال عبد الناصر)
واحفرو تربة لجميلة (جميلة بو حريد)
اصلهم ماتو النهاردة
فى نفوسكم العليلة
بس هيعيشو ف قلوبنا
ف كل ثانية ف كل ليلة
تحيا مصر بالمحبة
وأهلها الناس النبيلة
تحيا مصر ومصر تحيا
وللجزاير الف نيلة
مع عدم الاعتذار لكل حقير مهما كانت جنسيته سولت له نفسه المريضة حرق علم مصر أو أهان رمز من رموزها او قاداتها او تطاول بأى شكل من الاشكال على اى ابن من ابناء مصر الاعزاء فى اى مكان واى زمان
هانى سعيد
تعليقات
على حاجات كتير يا هانى
كل سنه و انت بالف خير
مش عايزة ااقول رايي
بدل لاتزعل منى
وخصوصا انت عارف معزتك ياهانوش بالنسبالي
على شو والا شو بيشهد؟
كل سنة وانتى طيبة ايها الصديقة العزيزةوزيارتك ليها وضع خاص جدا وانتى عارفة وتوقعى مرورى عليكى عن قريب
تحياتى
عشان انا لسه ماليش حما(هى بالف ولا بالهاء ولا بالتاء المربوطة هى مغلبة الناس حتى فى الكتابة كمان )
نشوى كل سمة وانتى طيبة ومش هقول غير امسكى لسانك يا بنت انتى احسن والله العظيم أ...... انتى عارفة
ياله سلام واشوفك قريب ان شاء الله وخدى بالك من (حماتك)
انتى كمان زيارتك بجد اسعدتنى لانى كان نفسى اعرف مين من الامارات اللى بيزورنى لحد ما ظهرتى انتى وعرفت مين شكرا ليكى يا حضرة الاديبة الجميلة وفعلا التاريخ شهد وحيشهد على حاجات كتير قوى حصلت وهتحصل بس هيفضل الحق واضح وضوح الشمس مهما كان الغيام والضباب مغمين عيون البشر
تحياتى ليكى يا اقصوصة ونتواصل دايما ان شاء الله