تبيع أحلامك بيكام ؟
تبيع بيكام ؟
تبيعلى أحلامك بيكام ؟
تبيعلى أيامك بيكام ؟
ذكرياتك
أ ُمنياتك
إبتسامتك أو أهاتك
كل شىء مَر بحياتك
حتى دمع العين رح اخده
بس قولى تبيع بيكام ؟
تبيعلى أحلامك بيكام ؟
عندى قلب ونفسى ابيعه
أو أبادله بقلب تانى
قلب مايكونشى حنين
قلب ظالم أو أنانى
مين يبيعلى قلبه ياله ؟
مين يقول انا بعت ياله ؟
مين يجرب ؟
مين يقرب ؟
إنت ولا تعالى إنت
طيب انت. قولى إنت تبيع بيكام ؟
ذكرياتك أ ُمنياتك ........
عندى قصة حب ماتت
بعد ما عاشت سينين
عندى صورة والف ذكرى
وجرح صاحى وله أنين
عندى دمع العين بحور
مين ينادى ؟
مين يقول ؟
مين يبادلنى بحياته ؟
مين يبيعلى ذكرياته ؟
مين دا نفسه زيى يهرب
ماللى جى وماللى فاته ؟
قولوا مين ؟
بس مين ؟
مين يبيعلى قلبه ياله ؟
مين يقول انا بعت ياله ؟
مين يجرب ؟
مين يقرب ؟
إنت ولا تعالى إنت
طيب انت. قولى إنت تبيع بيكام ؟
ذكرياتك أ ُمنياتك
إبتسامتك أو أهاتك
كل شىء مَر بحياتك
حتى دمع العين رح اخده
بس قولى تبيع بيكام ؟
أيوة قولى تبيع بيكام ؟
تبيعلى أحلامك بيكام ؟
تبيعلى أيامك بيكام ؟
ذكرياتك
أ ُمنياتك
إبتسامتك أو أهاتك
كل شىء مَر بحياتك
حتى دمع العين رح اخده
بس قولى تبيع بيكام ؟
تبيعلى أحلامك بيكام ؟
عندى قلب ونفسى ابيعه
أو أبادله بقلب تانى
قلب مايكونشى حنين
قلب ظالم أو أنانى
مين يبيعلى قلبه ياله ؟
مين يقول انا بعت ياله ؟
مين يجرب ؟
مين يقرب ؟
إنت ولا تعالى إنت
طيب انت. قولى إنت تبيع بيكام ؟
ذكرياتك أ ُمنياتك ........
عندى قصة حب ماتت
بعد ما عاشت سينين
عندى صورة والف ذكرى
وجرح صاحى وله أنين
عندى دمع العين بحور
مين ينادى ؟
مين يقول ؟
مين يبادلنى بحياته ؟
مين يبيعلى ذكرياته ؟
مين دا نفسه زيى يهرب
ماللى جى وماللى فاته ؟
قولوا مين ؟
بس مين ؟
مين يبيعلى قلبه ياله ؟
مين يقول انا بعت ياله ؟
مين يجرب ؟
مين يقرب ؟
إنت ولا تعالى إنت
طيب انت. قولى إنت تبيع بيكام ؟
ذكرياتك أ ُمنياتك
إبتسامتك أو أهاتك
كل شىء مَر بحياتك
حتى دمع العين رح اخده
بس قولى تبيع بيكام ؟
أيوة قولى تبيع بيكام ؟
تعليقات
كلماتك هايلة بجد
ربنا يكرمك
ا / هانى سعيد
مدونتك جميلة و القصيدة دى معبرة ...اسلوب رشيق و معانى عميقة برغم سهولة الكلمات
بس انا مش هبيع ..
انا ممكن اشارك
اشارك بذكرياتى .. بخبراتى ... بقلبى ...اشارك بحب فى الله و لله
اشارك نشوف ديننا بيسود الأرض
اشارك نشوف مصرنا أم الدنيا
اشارك نشوف كل الناس بخير
اشارك بقلبى و عرقى و دمى
هه تشارك ؟؟
بارك الله فيك
تقبل تحياتى
كل ده ها تشتريه لو بعنا
حاجه واحده بس من اللى بتقول عليهم
مش هيبقى انسان
ابيع لك الحلم والذكريات وكل شىء مر بحياتى يبقى ايه
حتى الالم والاهه مهمه
حلوه قوى قوى الكلمات وموجعه
لكن ما اعتقدش ان حد هيبيع لان ما عدش باقى لنا الا الذكريات
والالم والحلم وقليل من الامل
شكرا على زيارتك لمدونتى وشكراعلى صوره ناصر اللى منوره مدونتك
اتمنى التواصل
دائما
وكمان عن امنياتك وحبك لمصر
تقبل تحياتى
أسعدني مرورك ويشرفني دوام التواصل
وأتمني أن تغير لون الخط لأني لم أستطع القراءة
دمت بكل الخير
انت جيت فى سوق خطأ
فالأمانى و الأحلامو السعاده حتى القلب الخالى لا يباعوا
لمن شقى و لمن سعد لمن تاه فى زحمه الحياه لن ترى من يبيع
شكرا على تواجدك ومرورك الكريم على المدونة يا محمد وكلامك انت اللى اجمل من اى كلام يسعدنى وجودك دايما ونتواصل يارب بالخير
تحياتى
وعليكم السلام ورحمة الله وبركاته
شكرا على كلامك الجميل دا فى البدايه بس انا هفضل وراك لحد ماتبيع ومبدائيا هوافق على المشاركة حتى يتم الله امرا كان مفعولا (يعنى هتمسكن لحد ما اتمكن)هههههههههههههه
بجد والله اسعدنى مرورك وتواجدك هنا ويسعدنى ويشرفنى طبعا تشاركنى بخبرتك وبكل الحاجات الكتيرة اللى انت قولت عليها دى محسسنى ان احنا هنحارب
هههههههههههههه
منور يا دكتور
تحياتى
اهى محاولة رغم انى عارف زيى انت ما قولت بالظبط ان مافيش حد ممكن يبيع رغم ان الكل نفسه يبيع لكن كلنا بنخاف من اللى جاى بنترعب من المجهول حتى لو كان فيه خير لينا
على اى حال انا بشكر تواجدك هنا وكمان ازاى تشكرونى انى اضع صورة ناصر هنا دى اقل حاجة نقدمها لراجل كان بيحلم لكل العرب باجمل حلم وهو الوحدة العربية
كمان مرة شكرا
اشكرك فعلا على مجاملتك بس انا بحاول اقول اللى عايز اقوله وخلاص فعلا لانى بحس ان فيه ناس بيعملو حاجات حلوة قوى ولكنهم فى الظل دايما وما حدش بيعرف عنهم حاجة غير لما يموتو وانا زييى زيى اى حد بيعرف الناس لكن بعد فوات الاوان وتتكرر الحكاية معايا ومع الالاف من شباب البلد مش من عدم اهتمام او لا مبالاه ولكن بسبب ظروف الحياة اللى بنعيشها والضغوط اللى بتواجهنا من كل جانب
كمان مرة تحياتى
شكرا لمرورك لكن فى الوقت الراهن مقدرش اوع بتغيير لون الخط اثناء الكتابة لانى بأمانة حابب الشكل دا واللون لانهم بيعملو هارمونى وتجانس وسيمترية رائعة انا بحبها
لكن ممكن فى المستقبل افكر ى الامر
تحياتى
شكرا على مرورك الكريم
لكن
مين قالك ان انا جيت السوق الخطأ ؟ بالعكس استنى كمان شوية وهتلاقى الزباين والبائعيين من كل شكل ولون لان كل واحد فينا تعب وزهق من اللى عنده وشايف انه اتعس حالا من غيره وبيتمنى يهرب من نفسه ومن حياته كلها ويسكن حياة حد تانى فى زمن ومكان تانى يمكن يلاقى الفردوس المفقود
تحياتى
انا اعتذر على التأخير
بس لا مش حابيع ولا بكنوز الدنيا كلها
هو فيه حد يبيع نفسه
احلامه وحبه وذكرياته والحاجات اللى انت عايز تشتريها دى ولا تتعوض بكنوز الدنيا كلها والانسان من غير الحاجات دى خلاص يبقى مات مالوش لازمه
بس انت عايز بقى تقول اييييييييه ..
انا مستعد اعمل الجمعيه ام 999 واقبضها لك الاول بس عشان خاطرك
تحياتى
حتى الامه وذكرياته بالرغم من ان الذكريات بتعيشنا او بتذكرنا باشياءمؤلمه بس بتحسسنا باحساس صعب التنازل عنه لانها بتذكرنا بناس كانوا غاليين علينا ومجرد التفكير فيهم بيسعدنا لو لثوانى
تحياتى
اول زيارة و لن تكون الأخيرة بل التواجد المستمر بإذن الله ...
فعلا مبدع ...
و يامين يشتري مننا ذكرياتنا و مشاعرنا و احلامنا ...
و يريحنا
تحياتي ...
هانى
وحششششششششششششششتنى مووووووووووت
بجد والله انا رجعت بالسلامه الحمد لله
وبجد كنت سعيده قووى بيك ربنا يديم الود بينا يارب
وطبعآ البوست ده جميل قووى وعجبنى
وأنا عارفه انك مش كتبته من فراغ وبجد حاسه بيك قوووى
ياريت تخلى بالك من نفسك ياهانى
وبلاش تاخد اى قرار فى وقت تكون مخنوق فيه
وصدقنى احلامنا دى ملكنا عمرنا ما نبيعها ولو بكنوز الدنيا كلها
هى الحاجه الوحيده اللى فاضله لينا
ربنا يبعد عنك اى حزن واى جرح
ويفرحك يارب
دمت فى حفظ الرحمن
انوسه
اانا اللى اسف فى الرد عليك سامحنى
بس زى مانت ما بتقول ممكن الذكريات دى تبقى اغلى ما نملك لكن احيانا بتبقى حمل تقيل على قلب الواحد ويتمنى ساعات لو يفقد الذاكرة ولو لكام يوم بس عشان يحس شوية براحة البال وصفاء الذهن ويجرب حاجة تانية ماجربهاش قبل كدة يمكن يلاقى فيها الغاية المنشودة او اللحن الضائع
وانا موافق اعمل معاك الجمعية يا سيدى بس نخليها على 3 او 4 مليون مع تغير بسيط صغير وهو انى انا اللى هقبضها الاول (واخلع)
تحياتى
عايز اقولك يمكن يكون كلامك صح بس زى ما قولت الواحد ساعات بيشتاق انه يهرب من الذكريات من الزمان من المكان من اى حاجة لاى حاجة ساعات الدنيا بتخلينا نتمنى نعيش فى جزيرة لوحدينا من غير ناس ساعات بنتمنى نسكن فوق القمر او اى مكان ما يوصلش فيه لينا اى انسان عشان نحس شوية براحة البال ونهرب من كل ضغوط الحياة وكل حاجة بتوتر اعصابنا
ساعات من كتر الجراح بنتمنى نموت لكن عشان تمنى الموت معصية بنكتفى بتمنى فقدان الذاكرة وزى ما بيقولو النسيان نعمة ومادام النسيان مش باردتنا فانا بحاول اشتريه يمكن الاقى اللى يبيعلى شويه منه او يدلنى انى اشترى شوية ذكريات سعيدة من عند اى حد تانى غيرى
تحياتى
شكرا ليك ولكلامك الجميل ولمرورك على مدونتى المتواضعة وان شاء الله اتواصل دايما معاك بكل الود ويارب اكون عند حسن ظنك دايما وياريت لو لقيت حد بيبيع ذكريات حلوة وسعيدة تقولى بس ماتكونش منتهية الصلاحية
تحياتى يا يوسف
شكرا ليكى يا ايناس على كلامك وانتى كمان وحشانى جدا جدا جدا فوق ما يتصور خيالك وكلامك انا هاخده فى الاعتبار طبعا بس انتى عارفة انا قصدى ايه ساعات الواحد بيبقى عايز يخلص من كل حاجة باى حاجة يهرب حتى من نفسه ان شالله حتى يكون الهروب من مكان الى اللا مكان او الضياع فى دوامة اللازمان خلاص مشعارف اقولك ايه تانى بس انا متاكد انك فاهمة وعارفة انا قصدى ايه
المهم يارب تكونى بخير دايما وحمدلله على سلامة الوصول
وتحياتى لاجمل ايناس
وعليكم السلام ورحمة الله وبركاته
واللى يعمل كده يبقى باع كل حياته
تحياتى لك هانى على كلماتك الجميلة جدا
جميل اوى البوست
بس اللى مش عنده احلام يعمل ايه؟
احنا بقينا نخاف نحلم
لان الاحلام اللى بنحلمها كبيره اوى علينا
تحياتى
................................
ادينا نزلنا البدايه فى هاكونا مطاطا
منتظرينك
انت لسه هنا؟
لا لا تعالى بسرعه عندنا
تيمون وبوبما عايزينك
كل ما تضحك اكتر كل تاكل بطاطا اكتر
هاكونا مطاطا
مش هتقدر تغمض عنيك
هاكونا مطاطا هديتنا لكل المدونين عشان نخرج من حاله النكد
هاكونا مطاطا تهييس للصبح
هاكونا مطاطا ... لااااا للملل
هاكونا مطاطا... قول لاء للهم
هاكونا مطاطا.... اوعى تزعل ابدااا
هاكونا مطاطا... ارمى الماضى ورا ضهرك
انسى الماضى اللى يغيظ
يلاااااااااا تعالى مستنى ايه
الزيارة كانت متأخرة بس عشان انا كنت مبتعدة شوية عشان الامتحانات
بس ادينى جيت كلماتك حلوة قوى
بس اسمحلى فى كتير مستحيل يبيعوا احلامهم او ابتسامتهم ولا حتى اهاتهم واوجعهم
تحيااااااااااتى
همسة ود غير مكتوبه
كارت رمضان من تصميمي
اتمني يعجبكم http://hmasat-elqlm.blogspot.com/
تفتكر حزنك ده اكبر ولا حزنه
و الامر طعم مرك و لا مـُـره
لا انا اكيد اتسرقت
انا فاكره انى رديت قبل كده
----------
ما علينا
متضمنش يا هانى اللى يبادلك يكون حاله اصعب
مش اللى يشوف بلاوى الناس ....
مش هقول على بساطة و عمق و جمال العرض لانه مفروغ منه
على فكره
الاغنيه اللى على البلوج نحفففففففففففففففففففففففففففففففففه
يمكن يكون كلامك صح ويمكن يكون .......
اسعدنى تواجدك ومرورك
كل سنة وانتى طيبة
بمنتهى البساطة اللى معندوش احلام يبقى انسان ميت عايش بلا روح من غير هدف حياته ماتساويش اى حاجة حتى عند اقرب الناس ليه والحل بسيط جدا احلمو واحلمو بس احلمو الحلم اللى تقدرو تحققوه فى يوم من الايام عشان ماتتعابوش وخلو بالكو من احلامكو لانها فعلا بتنسرق لكن اللى بيسرقها دايما شاطر واللى بينسرق منه الحلم دايما بيكون حد فاشل ومابيعرفش يوصل لاهدافه
انا هقول كفاية لحد كدة ونتقابل ان شاء الله فى ظروف تانية
واسعدنى وجودكم ومروركم وكل عام وانتم بخير وسعادة واحلام جميلة
كل سنة وانتى طيبة اسعدنى فعلا وجودك هنا بس عايز اقولك ان فى ناس كتير فعلا مش بسهولة تبيع احلامهاوذكرياتها مهما كانت حزينة او مؤلمة لكن بمنتهى السهولة فى ناس تانية بيتخلو ويتنازلو عن كل حاجة مش الاحلام بس ولا الذكريات بس وللاسف بدون تمن او مقابل تفتكرى ليه؟
وهل يا ترى هما كانو صح؟
تحياتى وكل سنة وانتى طيبة كمان مرة
يمكن كلامك صح لكن على اد ما الواحد فينا بيتمسك بالماضى وذكرياته وحياته على اد ما تجيله لحظة بيتمنى فيها الخلاص من كل حاجة بتفكره بالماضى دا او الذكريات دى خاصة لما يكون فيها جرح او حزن او فقدان احباب مشعارف اقولك ايه تانى بس فعلا والله كلامك من اجمل الحاجات اللى قريها هنا من تعليقات وهختم بنفس النهاية بتاعتك لانى انا وانتى جزء واحد من الحدوتة المصرية( قبل الطوفان ما يجى خلتنى أخاف عليك يامصر وأحكيلك على المكنون..مين العقل فينا مين مجنون..مين اللى مدبوح من الألم...مين اللى ظالم فينا مين مظلوم....)
وانتى بالف خير وسلامة ودايما متألقة وتصميماتك الجميلة دى انا شوفتها فعلا وعجبتنى كتير واتمنالك الاستمرار وتكونى دزاينر مشهور جدا ان شاء الله
ورمضان كريم
متوقعة اقولك ايه؟
بس اهى محاولة يمكن الواحد يقع فى حد فاقد الذاكرة او عنده زهايمر ومابيحتفظش باى ذكريات حلوة او مرة ساعتها بس لو تمت البيعة او المبادلة اكيد انا اللى هكون كسبان لانى هاخد ذاكرة خالية من كل الوان الشرور والالام الانسانية واكيد عمرى ما هندم على البيعة لكن هحزن على حال اللى باعلى واشترى منى ذكرياتى انا لانه اكيد هيتألم كتير
سهر
شكرا على مرورك بعد غيااااااااااااب وكل سنة وانتى طيبة
ههههههههه
لا ماتسرقتيش ولا حاجة احنا فى شهر رمضان والسرقة حرام (تفتكرى السرقة حلال فى باقى الشهور)هههههههههههه
انا بس ماكنتش بدخل كتير على البلوج واخشى فعلا انى والله ماليش نفس اكتب حاجة تانى خالص مشعارف اوصفلك اللى عايز اقوله بس فى حاجات كدة حاسس انها مش مظبوطة مش مفهومة علامة استفهام كبيرة قوى بس اداة الاستفهام مجهولة
هبقى امر على مدونتك اكيد لانك عارفة انتى كمان رايى فيكى من غير مجاملة وشكرا ليكى على زيارتك كمان مرة وبعدين الاغنية دى انا بحبها جدا تخيلى ان اللى عاملها الشيخ سيد درويش ولسة لحد دلوقت ممكن الواحد يسمعها ويقول الله مليون مرة مش زى الاغانى بتاعة النهاردة الى تخلى الواحد يسد ودانه اول ما يحس بس انها هتشتغل
اتفضليها يا سهر دى مدونتك وانتى عارفة كدة كويس
وكل سنة وانتى طيبة كمان مرة انا رديت عليكى مرتين عشان ماتقوليش بخيل او ماتتهميناش بالسرقة بعد كدة هههههههههه
سلامواشوفك على الف خير
يا ابن الناس الطياب
اسعدتني مدونتك وتنوعك
واسعدتني صورة ناصر
العروبة
بوست جميل
حالة ذات ترجمة واقعيه
احساس صادق
الشعر رائع
...
موضوعك عن محمد نصير رحمة الله عليه من اجمل واروع ما يكون
انا استفدت منه جدا جدا واستمتعت كمان بقرايته
وانت بالف خير وسعادة دايما يارب انت وكل لهل مصر الطيبيين
اسعدنى مرورك وتواجدك فى مدونتى المتواضعة واتمنى دوام الود والتواصل دايما ان شاء الله
اما عبد الناصر فدا راجل فرض علينا اننا نحبه لاعماله اللى عملها او حتى اللى كان نفسه يحققها وكفاية حلم القومية العربيه بس على فكرة دا مش معناه انى ناصرى او انى انتمى لاى حزب لانى بحب الحرية دون التقيد باى ميول حزبية او هرطقات سياسية يكفينى انى اكون مصرى وبس
كل سنه وانت بالف خير وسلام
كل سنة وانتى طيبة ويارب تكونى بالف خير وصحة وسلام وسامحينى عشان اتاخرت فى الرد
بس عايز اقولك ان ساعات الواحد فينا بيتمنى يهرب من كل ماضيه ويروح لمكان ماحدش يعرفه فيه وينسى كل اللى فات ويحاول يبدا من جديد بعد اى احساس صعب ممكن الواحد يحس بيه دا بالظبط اللى انا عايز اقوله
اسعدنى تعليقك وكمان رايك فى بوست محمد نصير وعايز اقولك انه للاسف فى فبلدنا ناس كتيييييير قوى نماذج يقتدى بيها فى كل المجالات والنواحى لكن الاعلام مش بيلقى الضوء عليهم لان عادة الاعلام انه يدوب يلقى الضوء على ماسحى الجوخ ومدعى الشرف والامانة
يارب تكونى بخير كمان مرة
مع خالص تحياتى