عابر سبيل (مدونة هانى سعيد)

م كتوبك جانى ... واما لمسته عرفت انا ايه مكتوب جواه . وعالعميانى اول كلمة ف اول سطر وداعا .... يا.... ......... نُقط ... خلص الجواب .... خلص المكتوب لكن فى فى النص كلام كدة مش مكتوب مش محسوب ..... مش مطلوب بس حقوله يمكن نعرف مين الغالب فينا ومين هيعيش مغلوب واسمعى منى ياما فى عز البرد اخدتك بين احضانى كنتى تغيبى دقيقة اقولك ميت (100) وحشانى كنت ابص ف عينك واعرف انى بحب كنت بصدق كدبك وانتى بحالك كدب كنتى حبيبتى ......... كنتى اميرتى كنتى الدنيا بحالها ف عينى وكنتى .... خطيئتى واسمعى منى انا مش نادم انى عشقتك انا مش نادم عالاخلاص ايوة اخترت وجودك جمبى وانتى اخترتى البعد خلاص مش حتألم وابكى عليكى بعتينى ليه انا حبقى عليكى بكرة الدنيا دى هتوريكى ان مفيش فى الكون مخلوق هيحبك أدى وانتى اخترتى تضيعى من يدى ضيعى خلاص ضيعى خلاص

بجد بجد والله الواحد مهما اتكلم مش هيقدر يديها حقها لانها اكبر من ان اى حد مهما كان يتكلم عنها كانت بحق ام المؤرخيين طيبه جدا لكن بدون ضعف وقوية مش بتجبر وديكتاتوريه كان صعب الواحد يتخيل انها ممكن تساعد حد وماتسعدوش الاستاذة الدكتورة ليلى عبد الجواد اسماعيل رحمها الله وادخلها فسيح جناته كانت احد المشرفيين على رسالة الماجستير الخاصة بى واشهد لها بمجهوداتها الجبارة فى مساعدتى لاتمام هذا العمل على الوجه الاكمل ولى معها مواقف من المستحيل ان انساها ما حييت وما دام بيا شىء من الحياة فى البدايه وعند دخولى الجامعة لم اهتم باى من اعضاء هيئة التدريس ولم يكن يعنينى ان تربطنى بهم حتى مجرد حوارات شفهية فقد كنت مثل اى طالب جامعى لا يفكر الا فى المنهج المقرر وما سوف يحذف من الكتاب وكم عدد اسئلة الامتحان وهكذا مرت بيا الاعوام الدراسية سريعا لم اتأثر باى من اساتذتى الكرام ليس بسبب خلل او اى سؤء بهم لا قدر الله ولكن هذا ما حدث بالاضافة الى ان معظم المحاضرات لم اكن احضرها وكنت اهتم اكثر بالانشطة الفنية من حفلات سمر وجواله واغانى وفريق المسرح ومنتخب كورال الكليه ومنتخب الجامعه وباقى الانشطة الاخرى وال

كدابة وحبك كله غش وقلبك مش كبير وليكى الف وش لكن مالكيش ضمير كدبتى كتير عليا وحلفتى بالهوى انك رح تبقى ليا ورح نفضل سوى واما صدقت كدبك واما قلبى انكوى لاقيتنى بقيت لوحدى وفيا جراح كتير كدابة قولتيلى زمان بحبك وحلفتى مفيش وداع وقولتى ان انتى خايفة مالغدر ومالوداع طمنتك بابتسامتى واديتلك الامان حسستك بالغرام حسستك بالحنان صاحبتك عالليالى صالحتك عالزمان وقلبك اشترانى فرحت لقيته باع كدابه دموعك ديه كانت عندى اغلى موع كانت تجبرنى اسامحك واطاوعك وف خضوع ياما ف حضنى بكيتى علشان ماتفارقينيش وفوق صدرى رميتى نيران ما بتنطفيش وانا اقولك يا عمرى يا عمرى ما تخافيش واتاريكى كنتى ناويه على بعد مالوش رجوع كدابة هانى سعيد

قابلتك يوم قابلتك يوم وكان قلبك ضعيف مكسور وكانت دنيا ايامك ماهيش بتدور وكان الخوف بيملاكى وطعم المر جواكى ولما دخلت دنياكى بقيت ليكى الامل وانتى رايتى النور وقابلتك يوم ................ وكان قلبك ضعيف مكسور دموع عينك بايدى كنت بمسحها اشيل دمعة والاقى التانية مطرحها تبصيلى تضمينى تقولى احمينى تاخدينى معاكى فى بحر احساسك سنيين وشهور قابلتك يوم ............... وكان قلبك ضعيف مكسور ولما الجرح طاب فيكى غدرتى بيا واتاريكى سراب وخيال وحلم محال وقلب انانى طول عمره وكمان مغرور قابلتك يوم ................ وكان قلبك ضعيف مكسور ياريت محدش يفهم غلط انا بس برد على اللى كتبتهولى ميرام مش اكتر وهى فعلا حد كويس وبتكتب كويس جدا واتمنالها التوفيق وربنا يوفق الجميع هانى سعيد