عابر سبيل (مدونة هانى سعيد)

قالو انك بعتى روحك للغريب وقالو انك انتحرتى بدون سبب واللى شوفته منك انتى شىء عجيب لأ دا شىء والله اعجب مالعجب ردى قولى ايه جرالك فهمينى ايه ف بالك نفسى اعرف بس مالك كل ماتقرب اليكى تبعدينى كل مالمِس حاجة فيكى تبعدينى كل ماجى اقول بحبك وارمى روحى جوا قلبك وابتدى اشعر بحضنك تبعدينى ليه كدة انا نفسى افهم.... فهمينى نفسى اعرف .... عرفينى تبقى مين وانا ابقى مين ايوة بحلف ميت يمين انى خايف يجى بكرة واكرهك  ..... او تكرهينى غصب عنى انفعلت؟ اعذرينى احضنينى ..... حسسينى بطعم حضنك دوبى جوايا حزنك ..... املكينى بسحر حسنك واوعى تانى تجرحينى واوعدينى تسعدينى ياللى حبك زى دينى صعب يرخص او يهون او ابيعك او اخون وادى ليل السهرانين وادى نيلك وادى شمسك وادى ضلك وادى وردك وادى فولك وادى بعضك وادى كلك وادى انا جمبك بقولك واسألى قلبك يدلك ع اللى حاسس بيه وخايف انطقه كل شىء يا حبيبتى فيكى بعشقه حتى لما ببات جعان فوق الرصيف واما بلبس لبس دايب مش نضيف واما ينزل دمعى من قلبى الضعيف اللى خايف يشت

كل ما افتكر الموقف دا حقيقى بضحك جدا واقول ازاى دا حصل  انا عن نفسى حد انطوائى جدا ومش بحب الزحمة واللمة ومش اجتماعى يعنى من الاخر, وبعشق الهدوء والوحدة المهم منعم دا صاحبى اسمه محمد عبد المنعم اعرفه من زمان من اولى جامعه ولينا مواقف مع بعض تودى فى داهية منها الموقف دا كنت انا عضو من اعضاء النشاط  الفنى فى الكلية وكدة كدة كنت بطلع من الجامعة متاخر وفى يوم كنت مروح لقيت منعم  بينادى عليا ويقولى انه عايزنى اروح معاه المستشفى بتاع الطلبة عشان كان تعبان شوية  قولت ماشى وهاروح معاه الباشا مرضيش يخينا نركب مايكروباص واصر اننا نمشيها قولت ماشى مفيش مشاكل ويدوب  خرجنا من باب الجامعه والكلام خدنا وانا عملت وانت عملت وكدة يعنى شوية رغى لحد ما ظهرت قدامنا بنت كانت جميلة فعلا وانا والله ماكانش ليا فى المعاكسات خالص بس الفقرى دا ابتدا يعاكس البنت ومش عارف  ازاى قدر يخلينى اجاريه واعاكسها معاه لكن بتريقة مش معاكسة معاكسة هى تريقة بس بامانة برضو حاجة تضايق المهم فضلنا نضايق فيها لحد ميدان الجيزة  واحنا طبعا رايحين مستشفى الطلبة بعد الميدان بشوية والبنت كانت ماشية قدامنا لقيناها ماشية على المكان اللى

عجزت يمه وغصب عنى شعرى شاب ويدوب يومين وراح يفوت قطر الشباب العمر عدى ماحسيتوش طعم الفرح ماعرفتهوش كان نفسى يمه تبقى جمبى وتقوليلى ازاى اعيش عمرى اللى فات وماعشتهوش عجزت يمه     عجزت يمه     عجزت يمه انا لسة فاكرك يمه وانتى بتقوليلى ان انتى نفسك تفرحى يا حبيبتى بيا  وانا كنت بضحك وابتسم واقول سيبينى وقت النصيب ما هيجى هتشوفه عينية العمر عدى ماحسيتوش طعم الفرح ماعرفتهوش كان نفسى يمه تبقى جمبى وتقوليلى ازاى اعيش عمرى اللى فات وماعشتهوش عجزت يمه    عجزت يمه    عجزت يمه عارفة يا امى شكلى متغير كتير لما تشوفينى يحتمل تبكى عليا كُتر الهموم خلتنى كالخيط الحرير و كل حاجة حلوة ضاعت من ايدية العمر عدى ماحسيتوش  طعم الفرح ماعرفتهوش كان نفسى تبقى يمه جمبى وتقوليلى ازاى اعيش عمرى اللى فات وماعشتهوووش عجزت يمه

اكيد كلنا اتعرضنا لحادث عرضى فى حياتنا او فقدنا حد عزيز علينا وكل واحد فينا بتختلف اساليب اظهاره لحزنه على الشخص المفقود او المتوفى كل واحد واسلوبه يعنى حسب شخصية الواحد ممكن حد كمان يبقى من جواه بيبكى ومتقطع وحالته بالبلا ولكن رغم كل دا مش مبين وكان ولا فى حاجة والناس تقول عليه قلبه جاحد او قلبه قوى وهو فى الواقع زى ما قولت متقطع من جواه وممكن حد تانى يبالغ فى التعبير عن حزنه يبكى ويقطع هدومه او يكسر القزاز او يحطم اى شىء امامه وكمان النبى عليه الصلاة والسلام نهى عن المبالغة فى اظهار الحزن بشكل غير مقبول فنهى عن لطم الخدود وشق الجيوب يعنى بالعربى الناس اللى بتلطم على خدودها ويا سابعى يا جملى وحاجات من النوع دا ههههه ويقطعو فى هدومهم ويشدو فى شعورهم ويبقو عاملين زى الاشكيف وفى ناس تانية بتحزن لكن فى صمت بيبكو وبس ويحزنو لكن بجد والله العادات والتقاليد اللى هنشوفها دلوقت اغرب عادات وتقاليد انا شوفتها فى حياتى وهى عادات وتقاليد العزاء فى ايران الواحد لما يموتله حد ويروح عشان يعزى شوفو بيعمل ايه وطبعا كل بلد وليها عاداتها وتقاليدها ودا شىء احنا كلنا لازم نحترمه ونقدره لكن احنا بس لينا انن

والله انا ماعنديش تفاصيل كتير عن الموضوع لكن كنت من وقت للتانى بتابع المنشتات الرئيسية بتاعته فى الجرايد والنهاردة كان النطق بالحكم فى القضية واللى كسبها رجل الاعمال المصرى نجيب ساويرس زى ما بيقولو عليه الصعيدى اللى ما بيسيبش حقه طبعا الموضوع بختصار ان شركة موبينيل فى شركة تانية عايزة تاخدها اسمها فرانسيس تليكوم وساويرس قالها بالنص على جثتى ان موبينيل تبقى ملك اى دولة غير مصر واهل مصر (نص كلامه ) وبعدين الشركة الفرنسية رفعت قضية وشوية حوارات كدة وكان فى خوف انها تكسب القضية خاصة انها عاملة عرض بشرا السهم الواحد تقريبا بالفين وربعمية ضعف تمنه (الارقام عندى بتتكتب بلغة غريبة معذرة هكتب كل الارقام بالحروف ) وهنا عم الحج ساويرس رفع ايده للسما ودعا وطلب من كل المصريين انهم يصلو ويدعو حتى تظل موبينيل مصرية والنهاردة كان النطق بالحكم اللى قرر بالفعل ان موبينيل هتفضل لاولاد مصر الكرام ووالله ووالله والله انا ماليش اى مصلحة شخصية فى الموضوع دا لكنى فرحت من حاجتين الاول لما لقيت ان فى ناس كتير فرحانيين بالحكم ببقاء موبينيل لساويرس وقالوه عنه انه من رجال الاعمال الشرفاء خاصة ان سمعة رجال الاعمال

بناءا على طلب بعض الاصدقاء هنزل بوست لحاجة قديمة شوية او تحديدا قديمة كتير من حوالى 11سنة كدة تقريبا لو ما كانش اكتر من كدة كمان يمكن تكون فيها شوية كوميدى يخففو من اللى بنشوفو كل يوم من مشاكل وحاجات تانية تخنق ما علينا نخش فى الموضوع ௧ ௨ ௩ ياللى فاكرة ان انتى حلوة وانتى وحشة بجد خالص انتى داهية انتى بلوة انتى عندك است باحث العيون زى الطمطمة (مفرد طماطم )مفعصة والسنان فوقها زبالة مرصرصة والرموش متخلعين والودان متدلدلين وشامة عندك اد طوبة زى صخرة عالجبين اما شعرك ياه يا شعرك يا يا يا فى حاجات عمالة تمشى او لاه لاه يوم ما شوفتك والله انا احترت معاكى شوفت وشك صورة فعلا من قفاكى شوفت ايدك ...... الايدين متقشفة اما رجلك ...... يع حقيقى مقرفة اما وسطك ... ياه يا وسطك ياه عليه وانتى خاسة بتبقى عرض الشيفروليه بس عارفة احلى حاجة بجد فيكى شفة طلعت من شفايفك فوق عنيكى ياه عليكى من ايديكى ايد طويلة وايد فى طول عقرب ساعات ولا رجلك لما تعرج تبقى زى المسّاحات ولا عينك دى اللى حولة وكل عين رايحة لمكان ولا صوتك من فظاعته بيشتكى منه الجيران