ايه يا جدعان مش للدرجادى

اكيد كلنا اتعرضنا لحادث عرضى فى حياتنا او فقدنا حد عزيز علينا وكل واحد فينا بتختلف اساليب اظهاره لحزنه على الشخص المفقود او المتوفى كل واحد واسلوبه يعنى حسب شخصية الواحد ممكن حد كمان يبقى من جواه بيبكى ومتقطع وحالته بالبلا ولكن رغم كل دا مش مبين وكان ولا فى حاجة والناس تقول عليه قلبه جاحد او قلبه قوى وهو فى الواقع زى ما قولت متقطع من جواه وممكن حد تانى يبالغ فى التعبير عن حزنه يبكى ويقطع هدومه او يكسر القزاز او يحطم اى شىء امامه وكمان النبى عليه الصلاة والسلام نهى عن المبالغة فى اظهار الحزن بشكل غير مقبول فنهى عن لطم الخدود وشق الجيوب يعنى بالعربى الناس اللى بتلطم على خدودها ويا سابعى يا جملى وحاجات من النوع دا ههههه ويقطعو فى هدومهم ويشدو فى شعورهم ويبقو عاملين زى الاشكيف وفى ناس تانية بتحزن لكن فى صمت بيبكو وبس ويحزنو لكن بجد والله العادات والتقاليد اللى هنشوفها دلوقت اغرب عادات وتقاليد انا شوفتها فى حياتى وهى عادات وتقاليد العزاء فى ايران الواحد لما يموتله حد ويروح عشان يعزى شوفو بيعمل ايه وطبعا كل بلد وليها عاداتها وتقاليدها ودا شىء احنا كلنا لازم نحترمه ونقدره لكن احنا بس لينا اننا نقول راينا بصراحة مش اكتر لان اكيد فى جانب من الجوانب مرتبط باصل هذه العادات والتقاليد احنا نجهله لكن انا شخصيا شايف ان كل دا مبالغ فيه قوى OVER يعنى بصراحة لكن هقول ايه ولا حاجة سلام

اه بالمناسبة الصور دى جاتلى على الايميل من احد المواقع الخاصة بدكتور متخصص فى عمليات التجميل اه وربنا متخصص فى عميات التجميل بعد كل اللى شوفناه دا ومتخصص فى عمليات التجميل يبدو ان الطب اتقدم يا جدعان

انا ماليش دعوة يا عم انها طرفة هههههههههههه دعابة دعابة الراجل فعلا يشكر والله دايما بيدينى صور غريبة وكتير بتكون جميلة الف شكر له بجد والله

وعلى فكرة فى موضوع هعمله قريب عن عادات وتقاليد فى مصر هنا بتحصل انا لسه عارفها عن قريب واعتقد ان كتير منكو مايعرفوهاش ولكنها غريييييييييييييييييييييييبة جدا جدا والله

وسلام