عجزت يمه
عجزت يمه وغصب عنى شعرى شاب
ويدوب يومين وراح يفوت قطر الشباب
العمر عدى ماحسيتوش
طعم الفرح ماعرفتهوش
كان نفسى يمه تبقى جمبى وتقوليلى
ازاى اعيش عمرى اللى فات وماعشتهوش
عجزت يمه عجزت يمه عجزت يمه
انا لسة فاكرك يمه وانتى بتقوليلى
ان انتى نفسك تفرحى يا حبيبتى بيا
وانا كنت بضحك وابتسم واقول سيبينى
وقت النصيب ما هيجى هتشوفه عينية
العمر عدى ماحسيتوش
طعم الفرح ماعرفتهوش
كان نفسى يمه تبقى جمبى وتقوليلى
ازاى اعيش عمرى اللى فات وماعشتهوش
عجزت يمه عجزت يمه عجزت يمه
عارفة يا امى شكلى متغير كتير
لما تشوفينى يحتمل تبكى عليا
كُتر الهموم خلتنى كالخيط الحرير
و كل حاجة حلوة ضاعت من ايدية
العمر عدى ماحسيتوش
طعم الفرح ماعرفتهوش
كان نفسى تبقى يمه جمبى وتقوليلى
ازاى اعيش عمرى اللى فات وماعشتهوووش
عجزت يمه
تعليقات
بس مش معناه انك تنكد عليا كده
بجد بجد رائع انت يا هانى و انت بتكتب
عندك سلاسه و بساطه رائعه
بتنفذ بيها لوجدان اللى بيقرا
ده طبعا فيه فضل فيه يرجع لمزيكتك الشعريه
جميل اوى و محزن اوى
ههههههههههه
يادى المزيكا اللى انتى معلقالى عليها فى كل حاجة بعملها بس انا هاروح فين جمبك بسم الله ماشاء الله عليكى (اللهم وفيه حسد هههههههه) انتى عارفه رايى وعارفه انا شبهتك بمين من اول ما قريتلك ولسه عند رايى ومش هغيره
وشكرا ليكى بس انا مش كان قصدى انكد عليكى والله خالص انا برىء يا بيه
واشوفك عندك ان شاء الله بحاجة جديدة ان شاء الله اشمعنا انا؟
وسلام مؤقت يا حضرة الوجودية
رغم مسحة الحزن اللي فيها
بس رائع
تحياتي
عشان انا مش وجوديه
و هعترض
عشان غبت و جيت و ما شوفتش نص جديد
شكرا لمرورك يا حضرة الدكتور ولكن لعلها مسحة الحزن الموجودة بين ثنايا الحوار الذى يدور فى اذهان كل شباب الجيل الذى انتمى اليه فعذرا وعذرا وعذرا
وشكرا على اطراءك الجميل وتمنياتى بدوام السعادة والتوفيق
اعتراضك على حاجتين انا عايز اقول انك بالفعل وجودية يا سهر لان ملامح الوجودية وتاثيراتها باينة جدا بوضوح عالى فى كل اعمالك تقريبا اللى انا قريتها لانى ماشوفتش كل اعمالك طبعا يا سهر واما اعتراضك على انك رجعتى بعد غياب ومالاقتيش جديد فصدقينى والله يا سهر ساعات الانسان بيحس بلا جدوى اى حاجة بيعملها حتى لا جدوى الحياة نفسها وانا حاسس بدا حقيقى والله وماليش نفس اكتب اى حاجة خاصة انى لقيت عالم التدوين اصبح ملىء بالغش والتذوير والسرقة ودا يسرق اشعار او اعمال ادبية بتاعة غيره وينسبها لنفسه او حتى شخصيات بتتجنى على الادب او الفن بكتابات لا تمت بصلة للادب او الفن ومع ذلك فاكرين انهم فوق السحاب وللاسف حولهم عصبة تشجعهم وتنافقهم اما عن جهل او عن مصلحة اى كان نوعها فبامانة تعبت اوى يا سهر لكن زى مانتى قولتى قبل كدة فى ناس الواحد بيعلم عليهم ويحس حقيقى بصداقتهم وصدقهم وزى مانتى علمتى عليا انا كمان والله علمت عليكى وقولتلك انك اول حد بدخل مدونته دايما عشان اقرا بجد حاجة محترمة بعد اى فترة غياب ليا عن عالم التدوين فماتزعليش منى يا سهر ايتها الصديقة العزيزة جدا جدا جدا وان شاء الله هيكون فى جديد لكن خليها للظروف