ياللى فاكرة ان انتى حلوة
௧
௨
௩
ياللى فاكرة ان انتى حلوة
وانتى وحشة بجد خالص
انتى داهية
انتى بلوة
انتى عندك است باحث
العيون زى الطمطمة (مفرد طماطم )مفعصة
والسنان فوقها زبالة مرصرصة
والرموش متخلعين
والودان متدلدلين
وشامة عندك اد طوبة
زى صخرة عالجبين
اما شعرك ياه يا شعرك يا يا يا
فى حاجات عمالة تمشى او لاه لاه
يوم ما شوفتك والله انا احترت معاكى
شوفت وشك صورة فعلا من قفاكى
شوفت ايدك ...... الايدين متقشفة
اما رجلك ...... يع حقيقى مقرفة
اما وسطك ... ياه يا وسطك ياه عليه
وانتى خاسة بتبقى عرض الشيفروليه
بس عارفة احلى حاجة بجد فيكى
شفة طلعت من شفايفك فوق عنيكى
ياه عليكى من ايديكى
ايد طويلة وايد فى طول عقرب ساعات
ولا رجلك لما تعرج تبقى زى المسّاحات
ولا عينك دى اللى حولة وكل عين رايحة لمكان
ولا صوتك من فظاعته بيشتكى منه الجيران
ولا خصرك او قوامك المسوس دا كمان
ولا مناخيرك يا انتى
شىء طويل ملهوش امان
ياه عليكى لما تجرى فى الميدان ورا العيال
طوبة منهم طوبة منك حد مات او دم سال
او شتيمة من لسانك يهدى بالك تبقى عال
سيبك انتى .... والله رايقة
بس انا عندى سؤال
ست ابوها .... انتى اسمك
حرف جر ولا حال
################
طبعا مع الاعتذار لكل ست ابوها
##############
تعليقات
والله يا استاذة فى البداية اسمحيلى اعتذر عن تاخيرى فى الرد عليكى
ثانيا
عايز اقولك انى عمرى ولاانا ولا اى مخلوق يقدر يعيب خلق الله وانا هنا مش بتريق انا عامل حاجة فيها شىء من الخيال ومن المحال انك تلاقى مخلوق بشرى فيه نص او ربع الصفات اللى انا قولت عليها هنا دى حاجة كمان حلجة تانية عايز اقولك ان مفيش انسان وحش سواء راجل او ست لان ربنا عادل ولو فى حد مش جميل شكلا هتلاقيه من اجمل ما يكون روحا واخلاقا وفى امثلة كتير على دا فى حياتنا كلنا كمان الانسان اللى يفقد الثقة فى نفسه فلو حتى كان جميل والناس شايفة انه جميل هيفضل طول عمره وحش لانه شايف نفسه كدة اما العكس فهو صحيح يعنى لو حد فعلا غير جميل الشكل لكن واثق فى نفسه هيقدر يوصل للناس وهيقتنعو بيه وهيتواصلو معاه بكل سهولة وهينسو انه غير جميل الشكل دا لانه واثق فى نفسه وفى ان ربنا دايما عادل مابيظلمش حد ومفيش انسان هيتحرم من كل حاجى على الاطلاق
اتمنى تكونى فهمتينى
وشكرا على مداخلتك الجميلة ونتواصل بكل الود دايما