يا قارىء كلامى .. عليك السلام

يا قارىء  كلامى .. عليك السلام  

  كلامى اليك  .. اليك الكلام

لسانك حصانك عيونك ودانك تصونهم ما تلقى ف حياتك ملام

حياتنا بسيطة وصعبة وحويطة وخبيثة وعبيطة ومالها لجام

سايسها وراضيها وعانفها وقاضيها وصحصح دماغك تعيش التمام 

ولا يوم تأمِن لصاحب يخونك عشان واحدة حلوة جميلة القوام

ولا اى واحدة تقولك بحبك تروح جرى تطلب ايديها قوام

وتصبح بكلمة ونظرة وهمسة وبسمة ولمسة اسير المدام

تشرق تغرب وتبعد تقرب بلاش تبقى نكرة فى عالم زحام  

ولا تكونش خاين لبلدك وارضك ولا تبعش عرضك ولا تقول بيكام

علامك ف راسك شهادتك خلاصك وحسن الرباية دا اجمل علام .

يا قارىء  كلامى .. عليك السلام.



  

تعليقات

إرسال تعليق

المشاركات الشائعة من هذه المدونة

يا ترى يا بكرة مخبى ايه تانى

صورة
فى السورة الاولى هنشوف محسن السكرى واقف ورا والده وبعدين صورة البيت اللى كان عايش واتربى فيه وبعدين طبعا دا كارنيه الشرطة بتاع سيادته بعدين وف الاخر طبعا الراحلة سوزان تميم اللى شدنى للموضوع دا انه فى الاول كان موضوع عادى مر عليا زيه كتير او مش كتير لكن يوجوال يعنى ماهوش جديد قوى بس لما لقيت عبارة حذر النشر قولت ليه كدة بقة يبقى الموضوع فيه ان وكنت حابب انى اعرفه خاصة انى من جوايا اتعاطفت مع المجنى عليها اللى خسرت كل حاجة كل حاجة بمعنى الكلمة ومش فاهم هى كسبت ايه من كل داا وموقفها من والدها ومن عيلتها ومن الدين كمان طبعا انا فى الاول بعتذر على المقدمة الطويلة بس انا النهاردة بتكلم عن قضية سوزان تميم خاصة ان الحكم صدر النهاردة الصبح باعدام هشام طلعت مصطفى ومحسن السكرى يعنى كمان قرار حذر النشر فى القضية دى اترفع بصدور الحكم دا سوزان تميم ظهرت فى فترة انا عن نفسى كنت بتلخبط فيها فى الاصوات الغنائية اللى طالعة كانت كلها اصوات زى بعض واذاعة الاغانى المصرية اللى هيا نجوم اف ام كانت لسه جديدة واغانى نانسى عجرم ونيللى مقدسى وهيفا وهبى وحماقى والمجموعة دى لسه فى مرح
قراءة المزيد

ومنين اجيب ناس

قولو لعين الشمس ان ياسيين مات وبهية مبقاش فى عينها دموع والكل طمعان فيها ......... طب وايه الجديد ماهو من زمان والكل طمعان فى بهية ..... اه بس لما كان ياسين عايش ماكانش حد يستجرى يقرب لها ..... ماهو عشان كدة اتقتل ...... ومين اللى قتله؟ .......كلهم ....... مين كلهم ؟........ كلهم يعنى كلهم .........قصدك؟........ ايوة دا قصدى ويمكن بهية كمان شاركت فى قتله......... انت بتقول ايه؟ بهية تقتل ياسين؟.......... ودموعها متغرقة بدمه ..........بهية؟.......... نسيت حبها ......... بهية ؟............ خانت وعدها ............ بهية ؟........... فرطت فى عرضها.......... بهية ؟ 70 مليون ياسين مقتوليين بايدين بهية ....والقضية ...هى هى هى شمس وهى ميه هى قُلة ومشربية هى فجر ومغربية هى هى هى هى هى ليل السهرانيين هى بيت الشقيانيين هى مخطوبة لياسين هى هى هى هى هى حد مالوهشى حد وهى حد بالف حد وهى كلمة بالف رد وهى هى هى هى هى روحى ونور عينية وهى اجمل حاجة فيا وهى انا وبعشقها هى وهى مش مقسومة ليا هى هى هى هى هى دى تبقى بهية هى دى تبقى بهية بس ليه قتلت ياسين ؟ هو دا لغز القضية هانى سعيد
قراءة المزيد

التاريخ هيقول ويشهد

صورة
مهما غمضتو العيون مهما سديتو الودان التاريخ هيقول ويشهد اننا ف أعلى مكان اننا بلد المحبة اننا بلد الامان اننا بلد الحضارة والمهارة والشطارة والجسارة فى الميدان اننا بلد الإخوة والكرامة والمِروة واننا جوانا قوة وعمرِنا بعمر الزمان واننا بلد الطهارة ف كل حى وكل حارة والهرم مبنى بحجارة قلبها مليان حنان اما إنتو جوا منكو غدر وضميركم جبان تحرقو علم العروبة ؟! تحرقو رمز العروبة ؟! إنتو مالكوم؟ إتخبلتم؟ ولا كان صابكو الجنان؟ ترفعو صوتكم علينا؟ ترفعو سلاحكم علينا؟ جاتكو مِيت(100) ذُل وهوان يا بلد مليون شهيد يا بلد كانت اصيلة احفرو تربة لجمال (جمال عبد الناصر) واحفرو تربة لجميلة (جميلة بو حريد) اصلهم ماتو النهاردة فى نفوسكم العليلة بس هيعيشو ف قلوبنا ف كل ثانية ف كل ليلة تحيا مصر بالمحبة وأهلها الناس النبيلة تحيا مصر ومصر تحيا وللجزاير الف نيلة مع عدم الاعتذار لكل حقير مهما كانت جنسيته سولت له نفسه المريضة حرق علم مصر أو أهان رمز من رموزها او قاداتها او تطاول بأى شكل من الاشكال على اى ابن من ابناء مصر الاعزاء فى اى مكان واى زمان هانى سعيد
قراءة المزيد