من موكوس لمنحوس الفرق مش كبير

من حق كل صاحب سلعة انه يعلن عن سلعته طبعا وبما انى من اعضاء هذا الجروب ومن مؤسسسيه كمان فكان لازم اعمل دعايه عنه من الاول هنا . بس معلش ملحوقة............ لما كتبو عنا فى الجرايد وفى موقع مصراوى قالو ان سبب التسمية بالموكوسيين هى الثانوية العامة . اى نعم هى كانت وكسة كبيرة جدا بسبب حاجات وعوامل كتيرة جدا اهمها فشل النظام التعليمى فى مصر لحد دلوقت من اول الروضة لحد الجامعة ودى كارثة بكل المقاييس لان تقدم الشعوب مش ممكن يكون الا بالعلم الا ان دا سبب من ضمن اسباب كتير.......... منها مثلا ان جيلنا دا بجد كان وما زال جيل تايه وضايع بين الماضى والحاضر عايز يعيش لحظته بس مشقادر بسبب تسلط الاهل عليه او المدرسيين او رجال الدين جيل عايز يخرج من جلباب ابوه بس الجلباب عامل زى بيت جحا متاهة كبيرة جيل ممكن ينضحك عليه بسهولة بكلمتيين حنيين جيل اتعود ينام على الحواديت بتاعة سيندريللا والاقزام السبعة وكان بيخاف من ابو رجل مسلوخة جيل اتربى على ثقافة المذيعة نجوى ابراهيم وعفاف الهلاوى وسامية شرابى وكان بيعشق بقلظ وكرنبة ويستنى مازنجر وافروديت وكابتن ماجد جيل كان مش بيحب يفوت برنامج ابلة فضيلة فى الراديو ولا يوم جيل عرف انه لازم يحترم كلام الكبار حتى لو كان كلامهم مش اد كدة جيل صدق ان الوعود والعهود بان اللى جاى احلى هتكون واقع مش كلام وللاسف الصدمة كانت كبيرة قوى لان اللى جه كان منيل ومهبب وزفت وقطران بكل المقاييس والدليل موجود فى بيت كل عيلة فى بلدنا مابين شباب وصل لسن الجواز وماعندوش امل انه يحقق الحلم دابسبب الامكانيات ومابين خريجيين مش لاقيين شغل او شغاليين فى حاجة مابيفهموش فيها ولا بيحبوها اصلا خاصة شغلة مندوب المبيعات والتسويق العقارى وكمان بنات فاتهم قطر الجواز ودخلو مرحلة الخطر لاسباب كتيرة جو كل بيت ....... يمكن كل دا خلا الشاب يفضل الهجرة والبعد عن الوطن عن انه يموت الف مرة كل يوم وهو شايف عمره بيضيع واحلامه بتنهار قدام عينيه وهو متكتف مش قادر يعمل حاجة والمسئوليين بيتهمو الشباب دول بالتراخى والكسل والسلبية ماهو معلش برضو دول هما اللى واكلينها والعة واتربو برا وجم كتمو على نفسنا وكلو حقوقنا بالباطل وفى الاجر جايين يدونا نصايح وتوجيهات طب اسالو نفسكو الاول ازاى الشاب بيفضل يموت فى البحر وهو مهاجر بطريقة غير شرعيه لاى بلد تانية غير بلده اللى عاش واتربى فيها وله اهل وصحبة وذكريات جميلة فيها ليه بيسيب كل دا ويروح لمصير مجهول؟ تفتكرو يعنى هو عايز دا ؟ تفتكرو الشباب دول انتحاريين ومش فارقة معاهم ؟ ياريت كل مسئول قاعد على كرسى المسئوليه بتاعه بالواسطة يختشى على دمه وقبل ما يدى نصايح لغيره يفكر هو وصل لمنصبه ازاى ومكان مين اصلا دا ياريت يا ريت ياريت والف ياريت تخلعو الاقنعة وتبصو لوشوشكم القبيحة جو مرايتكم واسالو ضمايركم ليه الشباب بيعملو كدة ومين السبب ليه بيفضلوا الانتحار على المذلة جو بلدهم ووسط اهلهم وناسهم فكرو بقة وحسو شوية ..................... يا ما علينا
انا من هنا بدعو كل ولد وكل بنت كل شاب وشابة من مواليد جيلى انهم ينضمو لجروبنا جروب الموكوسيين وزى ما قولت من موكوس لمنحوس مش فارقة كتير وماعندناش شروط بس شوف لو كان تنطبق عليك او عليكى المواصفات دى تبقى انت كدة واحد مننا شئت ام ابيت موكوس ابن موكوس.............
اذا كنت من مواليد من 1980 وحتى 1985 يعنى ضحية مجتمع تحول حديثا من قمة الاشتراكية لقمة الانفتاح فكان الناتج جيل كله بلا رموز فكرية أو ثقافية أو فنية أو حتى في الشكل والملبس.. اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملكاذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافاناذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحيةاذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسهاذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيديإذا كانت كل البنات من حولك معجبين بأحمد عبد العزيز ويرونه فارس أحلامهن (رغم قصر قامته وشنبه اللي مش عاطفي اطلاقااذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسيةاذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالياذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختاراذا كنت تنتظر بلهفة برنامج (كلام من دهب) رغم مذيعه الأكثر سماجة طارق علاماذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقناذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فيناذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك بتاع انابيب اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخراذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي اذا كنت تترقب بشدة أى حفلة بها فقرة (عزب شو) وتستمتع لمحمود عزب وهو يقلد محمد منير ومحمد نوح اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان) اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني)لايهاب توفيق.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهدان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناوان تكون شاهدت كليب المغنية حنان الشهير (اضحك بقى وافرجها ياعم).. اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها اذاكنت قد منعت لعدة أيام من اللعب في الشارع بسبب خوف أهلك عليك من (السلعوة إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة اذا كنت قد شربت أكثر من مائتي زجاجة كوكاكولا في شهرين من أجل رحلة (البحث عن الجادون.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك اذا كنت قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين اذا كنت قد عاصرت أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح اذا كنت قد اشتريت (بلوفر تملى معالك) بالوانه الشهيرة الابيض والاسود والاخضراذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد) اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا). اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني. ذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزراذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز).. اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانيةاذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة اذا كنت قد شاهدت الزمالك ينسحب مرتين من مباراته مع الأهلي..مرة في أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك في صحته