مش عايز اقول انى ببالغ لكن ربنا اللى عالم وشاهد عاللى بيحصل
كل اما اغمض عينى
كل اما اغمض عينى واعمل نفسى مش شايف بشوف
كل اما اسد ودانى واعمل نفسى مش سامع بحس
حالك صبح حالك وانا بيملانى خوف
وياريتها تيجى عالخوف يا حبيبتى وبس
وكل اما اغمض عينى و.......
فاتحة دراعاتك للغريب اما القريب بتجرحيه
ابنك فى غربة جوا منك رح يموت قومى الحقيه
ليه حقنا بتضيعيه
ليه عمرنا بترخصيه
ليه كل حلم بايدك تقتليه
كل اما اغمض عينى و...........
بمشى فى شوارعك الحزينه بشوف بشر
مابيضحكوش مابيعرفوش الا الدموع
شبابيك بيوت متقفله فى عز النهار
وناس مهاجرة وشاطبة على كلمة رجوع
ليه حقنا بتضيعيه
ليه عمرنا بترخصيه
ليه كل حلم جميل بايدك تقتليه
وكل اما اغمض عينى و...................
على فكرة الكلام دا غناه مطرب اسمه محمد رشاد فى ساقية عبد المنعم الصاوى وهيغنيه تانى يوم السبت 1 نوفمبر ومش عايز افكركم ان الكلام من تاليفى ومن الحان محمد رشاد وغناءه والعمل دا بجد اهداء منى ليها هى وبس بحبها وماليش نصيب معاها زيكم كدة بالظبط

تعليقات

‏قال غير معرف…
ميرسي يااهانوش على مرورك لمدونتى
واحب احييك انك بجد برافو انك بتكتب
وكمان انت عارف انى بحب اروح اوى ساقية الصاوى
وكمان كان معروض علية انى امثل هناك بس انا خفت بصراحة واكتفيت انى اكون مجرد مشاهدة
تحيااااااتى
3 أكتوبر 2008 في 10:17 ص
‏قال غير معرف…
very good very very good i want 2 meet u hany iam happy 2 c u itis me maya tarek call me soon
3 أكتوبر 2008 في 12:24 م
إرسال تعليق

المشاركات الشائعة من هذه المدونة

يا ترى يا بكرة مخبى ايه تانى

صورة
فى السورة الاولى هنشوف محسن السكرى واقف ورا والده وبعدين صورة البيت اللى كان عايش واتربى فيه وبعدين طبعا دا كارنيه الشرطة بتاع سيادته بعدين وف الاخر طبعا الراحلة سوزان تميم اللى شدنى للموضوع دا انه فى الاول كان موضوع عادى مر عليا زيه كتير او مش كتير لكن يوجوال يعنى ماهوش جديد قوى بس لما لقيت عبارة حذر النشر قولت ليه كدة بقة يبقى الموضوع فيه ان وكنت حابب انى اعرفه خاصة انى من جوايا اتعاطفت مع المجنى عليها اللى خسرت كل حاجة كل حاجة بمعنى الكلمة ومش فاهم هى كسبت ايه من كل داا وموقفها من والدها ومن عيلتها ومن الدين كمان طبعا انا فى الاول بعتذر على المقدمة الطويلة بس انا النهاردة بتكلم عن قضية سوزان تميم خاصة ان الحكم صدر النهاردة الصبح باعدام هشام طلعت مصطفى ومحسن السكرى يعنى كمان قرار حذر النشر فى القضية دى اترفع بصدور الحكم دا سوزان تميم ظهرت فى فترة انا عن نفسى كنت بتلخبط فيها فى الاصوات الغنائية اللى طالعة كانت كلها اصوات زى بعض واذاعة الاغانى المصرية اللى هيا نجوم اف ام كانت لسه جديدة واغانى نانسى عجرم ونيللى مقدسى وهيفا وهبى وحماقى والمجموعة دى لسه فى مرح
قراءة المزيد

ومنين اجيب ناس

قولو لعين الشمس ان ياسيين مات وبهية مبقاش فى عينها دموع والكل طمعان فيها ......... طب وايه الجديد ماهو من زمان والكل طمعان فى بهية ..... اه بس لما كان ياسين عايش ماكانش حد يستجرى يقرب لها ..... ماهو عشان كدة اتقتل ...... ومين اللى قتله؟ .......كلهم ....... مين كلهم ؟........ كلهم يعنى كلهم .........قصدك؟........ ايوة دا قصدى ويمكن بهية كمان شاركت فى قتله......... انت بتقول ايه؟ بهية تقتل ياسين؟.......... ودموعها متغرقة بدمه ..........بهية؟.......... نسيت حبها ......... بهية ؟............ خانت وعدها ............ بهية ؟........... فرطت فى عرضها.......... بهية ؟ 70 مليون ياسين مقتوليين بايدين بهية ....والقضية ...هى هى هى شمس وهى ميه هى قُلة ومشربية هى فجر ومغربية هى هى هى هى هى ليل السهرانيين هى بيت الشقيانيين هى مخطوبة لياسين هى هى هى هى هى حد مالوهشى حد وهى حد بالف حد وهى كلمة بالف رد وهى هى هى هى هى روحى ونور عينية وهى اجمل حاجة فيا وهى انا وبعشقها هى وهى مش مقسومة ليا هى هى هى هى هى دى تبقى بهية هى دى تبقى بهية بس ليه قتلت ياسين ؟ هو دا لغز القضية هانى سعيد
قراءة المزيد

التاريخ هيقول ويشهد

صورة
مهما غمضتو العيون مهما سديتو الودان التاريخ هيقول ويشهد اننا ف أعلى مكان اننا بلد المحبة اننا بلد الامان اننا بلد الحضارة والمهارة والشطارة والجسارة فى الميدان اننا بلد الإخوة والكرامة والمِروة واننا جوانا قوة وعمرِنا بعمر الزمان واننا بلد الطهارة ف كل حى وكل حارة والهرم مبنى بحجارة قلبها مليان حنان اما إنتو جوا منكو غدر وضميركم جبان تحرقو علم العروبة ؟! تحرقو رمز العروبة ؟! إنتو مالكوم؟ إتخبلتم؟ ولا كان صابكو الجنان؟ ترفعو صوتكم علينا؟ ترفعو سلاحكم علينا؟ جاتكو مِيت(100) ذُل وهوان يا بلد مليون شهيد يا بلد كانت اصيلة احفرو تربة لجمال (جمال عبد الناصر) واحفرو تربة لجميلة (جميلة بو حريد) اصلهم ماتو النهاردة فى نفوسكم العليلة بس هيعيشو ف قلوبنا ف كل ثانية ف كل ليلة تحيا مصر بالمحبة وأهلها الناس النبيلة تحيا مصر ومصر تحيا وللجزاير الف نيلة مع عدم الاعتذار لكل حقير مهما كانت جنسيته سولت له نفسه المريضة حرق علم مصر أو أهان رمز من رموزها او قاداتها او تطاول بأى شكل من الاشكال على اى ابن من ابناء مصر الاعزاء فى اى مكان واى زمان هانى سعيد
قراءة المزيد