مش عايز اقول انى ببالغ لكن ربنا اللى عالم وشاهد عاللى بيحصل
كل اما اغمض عينى
كل اما اغمض عينى واعمل نفسى مش شايف بشوف
كل اما اسد ودانى واعمل نفسى مش سامع بحس
حالك صبح حالك وانا بيملانى خوف
وياريتها تيجى عالخوف يا حبيبتى وبس
وكل اما اغمض عينى و.......
فاتحة دراعاتك للغريب اما القريب بتجرحيه
ابنك فى غربة جوا منك رح يموت قومى الحقيه
ليه حقنا بتضيعيه
ليه عمرنا بترخصيه
ليه كل حلم بايدك تقتليه
كل اما اغمض عينى و...........
بمشى فى شوارعك الحزينه بشوف بشر
مابيضحكوش مابيعرفوش الا الدموع
شبابيك بيوت متقفله فى عز النهار
وناس مهاجرة وشاطبة على كلمة رجوع
ليه حقنا بتضيعيه
ليه عمرنا بترخصيه
ليه كل حلم جميل بايدك تقتليه
وكل اما اغمض عينى و...................
على فكرة الكلام دا غناه مطرب اسمه محمد رشاد فى ساقية عبد المنعم الصاوى وهيغنيه تانى يوم السبت 1 نوفمبر ومش عايز افكركم ان الكلام من تاليفى ومن الحان محمد رشاد وغناءه والعمل دا بجد اهداء منى ليها هى وبس بحبها وماليش نصيب معاها زيكم كدة بالظبط
الطابور الخامس
منذ 14 ساعة (ساعات)
2 التعليقات:
ميرسي يااهانوش على مرورك لمدونتى
واحب احييك انك بجد برافو انك بتكتب
وكمان انت عارف انى بحب اروح اوى ساقية الصاوى
وكمان كان معروض علية انى امثل هناك بس انا خفت بصراحة واكتفيت انى اكون مجرد مشاهدة
تحيااااااتى
very good very very good i want 2 meet u hany iam happy 2 c u itis me maya tarek call me soon
إرسال تعليق