مدونة لكل اللى بيحبو مصر لكل عشاق النيل والليل والهرم لكل احباب السيدة والحسين وخان الخليلى لكل مدمنى الحب والعبق التاريخى فى المغربليين وباب الشعرية والفسطاط والغوريةوالقلعة لكل اللى بيشترو هدومهم من العتبة والموسكى وياكلو فول وطعمية من عند سعد الحرامى والجحش والبغل لكل اللى بيقعدو على قهوة المواردى ويشربو شاى على مية بيضا لكل ولد وبنت بيحبو بعض ومش لاقيين شقة لكل اهلك يا مصر وولادك السمرالعرقانيين الشقيانيين اللى طلعان عين ابوهم وامهم واختهم واخوهم وعمهم وخالهم وجيرانهم واصحابهم وبس
الخيزرانة شكرا بداية على مرورك على المدونة وكلامك الجميل ويسعدنى وجودك فى كل وقت طبعا اعتبريها مدونتك ماكلنا فى مركب واحدة وانتى عارفة شكرا ليكى مرة تانية ونتواصل بود دايما
عندي وطن حزين خمسين في الميه منه عمال وفلاحين طول النهار يزنوا ويباتوا موجوعين عندي وطن قريب اسمه حضن الحبيب عندي وطن نبات ساكن في البلكونات يعنى زرع في قصاري باسقيه ساعة العصاري عندي وطن ديوان اسمه ريحة الحبايب اسمه بنت الجيران اسمه الوطن اللى غايب.
atef66 شكرا بداية على مرورك الكريم على المدونة لعل من اهم الاشياء التى تجعل منا بشر بمعنى الكلمة الاحساس وان اختيارك لمثل هذه الكلمات واستمتاعك بها لمن اكبر الدلائل على تمتعك بحس فياض ومشاعر وفيرة مكنونة لا ادرى الى متى ستظل دفينة ولكنها بحق من اجمل الاشياء واندرها فى عالمنا اليوم واننى لا اجد من الكلمات ما قد يصف هذه الكلمات الجياشة بالمشاعر والتى اتحفت مدونتى المتواضعة بها من كلمات الشاعر العبقرى امين حداد وساكتفى بقول هذا الشبل من ذاك الاسد فلا يوجد من لا يعرف من هو فؤاد حداد وحقا كلنا على دربها نسير
تعليقات
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك وشايل جبال
يا شعبي اللي نايم وسارح وهايم وفي الفقر عايم وحاله ده حال
أحبك محشش مفرفش مطنش ودايخ مدروخ وآخر انسطال
أحبك مكبر دماغك مخدر ممشي أمورك كده باتّكال
وأحب اللي ينصب وأحب اللي يكدب وأحب اللي ينهب ويسرق تلال
وأحب اللي شايف وعارف وخايف وبالع لسانه وكاتم ما قال
وأحب اللي قافل عيونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس وأحب اللي بائس وأحب اللي محبط وشايف محال
وأحبك تسافر وتبعد تهاجر وتبعت فلوسك دولار أو ريال
وأحبك تطبل تهلل تهبل عشان مطش كورة وفيلم ومقال
وأحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لا يمكن أسيبك وراح تبقى عبرة وتصبح مثال
حبهدل جنابك وأذل اللي جابك وحيكون عذابك ده فوق الاحتمال
وأمرمط سعادتك وأهزأ سيادتك وأخلي كرامتك في حالة هزال
وتلبس قضية وتصبح رزية وباقي حياتك تعيش في انعزال
حتقبل حَحبك، حترفض حَلِبّك، حتطلع حتنزل حجيبلك جمااااال
المدونه جميله يادكتور تسلم ايدك
مع تحيات اخوك جمال ها عرفتنى
ده شىء عادى جدا اللى بيحصل فى الصورة
وطبعا حضرة الباشا مش غلطان
هيعمل ايه يعنى هيقطع نفسه !!.. صحيح شعب يخنق داتنا نيلة مالينا البلد
مدونتك روعة ياهانى ومتابعاها دايما ان شاءالله
شكرا لزيارتك الغير متوقعة وشكرا لكلام عم نجم الجميل وربنا يستر
شكرا بداية على مرورك على المدونة وكلامك الجميل ويسعدنى وجودك فى كل وقت طبعا اعتبريها مدونتك ماكلنا فى مركب واحدة وانتى عارفة
شكرا ليكى مرة تانية ونتواصل بود دايما
هبل هبل
هُبلٌ ...هُبلْ رمز السخافة و الدجل
من بعد ما اندثرت على أيدي الأباة
عادت إلينا اليوم في ثوب الطغاة
تتنشق البخورَ تحرقهُ أساطير النفاق
من قُيدت بالأسر في قيد الخنا و الإرتزاق
وثنٌ يقود جُموعهم ... يا للخجل
هُبلٌ ... هُبلْ
رمز السخافة و الجهالة و الدجل
لا تسألن يا صاحبي تلك الجموع
لِمن التعبدُ و المثوبة و الخُضوع
دعْها فما هي غير خِرفان ... القطيع
معبودُها صَنَمٌ يراه .. العمّ ُ سام
و تكفل الدولار كي يُضفي عليه الإحترام
و سعي القطيع غباوة ً ... يا للبطل
هُبلٌ .. هُبلْ
رمز الخيانة و الجهالة و السخافة والدجل
هُتّافة ُ التهريج ما ملوا الثناء
زعموا له ما ليس ... عند الأنبياء
مَلَكٌ تجلبب بالضياء وجاء من كبد السماء
هو فاتحٌ .. هو عبقريٌ مُلهمُ
هو مُرسَلٌ .. هو علم و معلم
ومن الحهالة ما قَتَل
هُبلٌ ... هُبلْ
رمزُ الخيانة و العمالة والدجل
صيغت له الأمجاد زائفة فصدقها الغبي
و استنكر الكذب الصّراح ورده الحرّ الأبي
لكنما الأحرار في هذا الزمان هُمُ القليل
فليدخلوا السجن الرهيب و يصبروا الصبر الجميل
و لْيَشهدوا أقسى رواية .. فلكل طاغية نهاية
و لكل مخلوق أجل ... هُبلٌ .. هُبلْ
هُبلٌ .. هُبلْ
عندي وطن حزين
خمسين في الميه منه
عمال وفلاحين
طول النهار يزنوا
ويباتوا موجوعين
عندي وطن قريب
اسمه حضن الحبيب
عندي وطن نبات
ساكن في البلكونات
يعنى زرع في قصاري
باسقيه ساعة العصاري
عندي وطن ديوان
اسمه ريحة الحبايب
اسمه بنت الجيران
اسمه الوطن اللى غايب.
للشاعر :أمين فؤاد حداد
شكرا بداية على مرورك الكريم على المدونة
لعل من اهم الاشياء التى تجعل منا بشر بمعنى الكلمة الاحساس وان اختيارك لمثل هذه الكلمات واستمتاعك بها لمن اكبر الدلائل على تمتعك بحس فياض ومشاعر وفيرة مكنونة لا ادرى الى متى ستظل دفينة ولكنها بحق من اجمل الاشياء واندرها فى عالمنا اليوم واننى لا اجد من الكلمات ما قد يصف هذه الكلمات الجياشة بالمشاعر والتى اتحفت مدونتى المتواضعة بها من كلمات الشاعر العبقرى امين حداد وساكتفى بقول هذا الشبل من ذاك الاسد فلا يوجد من لا يعرف من هو فؤاد حداد وحقا كلنا على دربها نسير