عابر سبيل (مدونة هانى سعيد)

عابر سبيل رحال تاه الوطن منى بشكى لروحى وحدتى وبتشتكى منى مبقتش اعد السنين ولا فارقة ويايا اصل السنين من زمان بتنسرق منى. هانى سعيد.

كل ما العمر يعدى بتزيد هموم الواحد والشعور بالوحدة او الغربة بيزيد وبتزيد رؤية الوشوش بعدما تسقط عنها الاقنعة ... مفيش جد بيعرف حد الا عشان مصلحة ولا حد بيتصل بحد الا لو عايز منه حاجة الصداقة بقت فلكلور شعبي ان وجدت اصلا الحب بقي مجرد تمثيل مفيش فيه ريحة اى نهاية سعيدة  حتى الجواز بقي مجرد مزاد اللى معاه اكتر يشيل ... مفيش حاجة بتدعو للابتسام والشعور بالفرح حتى الاعياد بقت مليانة هموم  انك تكون مهموم ومظلوم وجواك كلام كتير عايز تقوله بس مشقادر عشان متجرحش ناس مينفعش تجرحهم ولا تغلط فيهم لانهم اقرب الناس اليك و بحكم تربيتك واخلاقك ودينك انك ترضي تنكسر عشان تحافظ ع اللى بيصر يكسرك عشان شايل جواك زكرى جميلة مش عايزها تموت انك تسكت وتسكت وتسكت بس جواك بيصرخ من الالم  بجد والله معنى كلمة فوق الكتاف فيه حمل جبل كنت فاكره اسلوب مجازى طلع ان الهم والحزن فعلا بيخلي الواحد حاسس كما لو كان فيه حمل على كتاف الواحد بيضغط جامد بكل قوة عشان ينزل بيه جوه بطن الارض . الخلاص من عندك يارب

اول مرة احس بجد بإن الفرق ما بنا كبير وانى يدوبك انسان عادى وانتى اميرة وبنت امير عندك قصر وفيلا وحاشية وانا طول عمري يا عمري فقير يعنى وصلنا نهاية القصة يعنى حقيقي بحبك لسه بس تعبت من التفكير هعمل ايه لو يوم تقوليلى نفسك تانى تعيشى العمر   هعمل ايه لو شوفت ف عينك دمعة وخايفة قصادى تمر هعمل ايه لو شهد حياتك يبقى بسببى مرارة المر صعب اشوفك عايشة ضحية عمر الحب ما كان انانية عمرى ما حقبل  انا تبرير لازم ننهى القصة بسرعه لازم نرمى السر فى بير اصل الفرق ما بنا حبيبتى اصل الفرق ما بنا كبير. هانى  سعيد

ملخص رايي فى كل الاحداث ع الساحة وتتفهم زى ما تتفهم  :  " عدو ذكى افضل من صديق غبى" .... " يموت الاشخاص وتبقى الفكرة " لو كنت مؤمن بفكرة متخليهاش مرتبطة بشخص لانك كدة بتقول ان موت الشخص موت للفكرة " ... المتردد لا ينجز واذا اردت ان تتأكد من القيام بمهمة على اكمل وجه فقم بها بنفسك " ... لا تنتظر المهدى المنتظر فإن لم يخرج من بين جوانحك فلن يأتيك اى مهدى منتظر " . اعتقد الرسالة وصلت 

يا قارىء  كلامى .. عليك السلام     كلامى اليك  .. اليك الكلام لسانك حصانك عيونك ودانك تصونهم ما تلقى ف حياتك ملام حياتنا بسيطة وصعبة وحويطة وخبيثة وعبيطة ومالها لجام سايسها وراضيها وعانفها وقاضيها وصحصح دماغك تعيش التمام  ولا يوم تأمِن لصاحب يخونك عشان واحدة حلوة جميلة القوام ولا اى واحدة تقولك بحبك تروح جرى تطلب ايديها قوام وتصبح بكلمة ونظرة وهمسة وبسمة ولمسة اسير المدام تشرق تغرب وتبعد تقرب بلاش تبقى نكرة فى عالم زحام   ولا تكونش خاين لبلدك وارضك ولا تبعش عرضك ولا تقول بيكام علامك ف راسك شهادتك خلاصك وحسن الرباية دا اجمل علام . يا قارىء  كلامى .. عليك السلام.   

الليل طويل وكل دقيقة بتعدى   بتاخد روحى وياها ابص ف ساعتى واتنهد   واروح واجى   واقوم واقعد واتنرفز واتوعد وارجع تانى اقول لأ   اكيد فى حاجة حيشاها     تكلمنى ويجى النوم يداعبنى اقوله استنى طب خمسه   تفوت خمسه ورا خمسه ويجى النوم اقول لسه   وفى الاخر   اروح مادد ايدية لصورة قدامى   واغمض عينى الاقيها بتطلعلى فى احلامى    واكلمها تكلمنى  واقول واعيد وتفهمنى واحكيلها وتحكيلى   حكاية حبنا اللى   حاربنا كتير علشانها وضحينا بحاجات ياما عشان يوم تكمل القصة بزفة وكوشة وبفرحة وانا لابس ومتشيك وهى لايقة فى الطرحة وابص ف ساعتى من تانى والاقى الوقت مابيمشيش وارجع تانى واتنهد واناديها ماتسمعنيش عشان ماتت   وانا من بعدها ميت برغم ان انتو شايفِنى معاكو بعيش برغم ان انتو شايفِنى معاكو بعيش